പ്രൊഫഷണൽ യോഗ്യത നേടിയ പട്ടികജാതി പട്ടികവർഗ്ഗക്കാർക്ക് തൊഴിൽ പരിശീലനത്തിന് വിപുലമായ പദ്ധതിയുമായി പട്ടികജാതി പട്ടികവർഗ്ഗ വികസന വകുപ്പ്, സിവിൽ എഞ്ചിനീയറിങ് യോഗ്യത നേടിയവർക്കാണ് ആദ്യഘട്ടത്തിൽ പരിശീലനം നൽകുന്നത് പട്ടികജാതിക്കാരിൽ നിന്ന് 300 പേർക്കും പട്ടികവർഗ്ഗക്കാരിൽ നിന്ന് 200 പേർക്കുമാണ് പരിശീലനം, ഇതിൽ പങ്കെടുക്കുന്നതിന് ഈ വിഭാഗക്കാരിൽ നിന്ന് അപേക്ഷ ക്ഷണിച്ചു, അടിസ്ഥാന വിദ്യാഭ്യാസ യോഗ്യത സിവിൽ എൻജിനീയറിങ് ബിടെക് / ഡിപ്ലോമ / ഐടിഐ വിജയം, യോഗ്യത പരീക്ഷ വിജയകരമായി പൂർത്തിയാക്കിയവർക്ക് മാത്രമേ പരിശീലന പദ്ധതിയിലേക്ക് അപേക്ഷിക്കാനാകൂ, നിലവിൽ പഠിക്കുന്നവർക്ക് കോഴ്സ് പൂർത്തിയാക്കിയ ശേഷം വരും വർഷങ്ങളിൽ അവസരം നൽകും, തിരഞ്ഞെടുക്കപ്പെടുന്നവർക്ക് മാസം 18,000 രൂപ ഓണറേറിയം ലഭിക്കും, പ്രായപരിധി 21 മുതൽ 35 വയസ്സ്, പട്ടികജാതി പട്ടികവർഗ്ഗ വികസന വകുപ്പിന്റെ വിവിധ ഓഫീസുകളിലും തദ്ദേശ സ്വയംഭരണ സ്ഥാപനങ്ങളിലും ഉള്ള സിവിൽ എൻജിനീയറിങ് ജോലികൾക്ക് ഇവരെ നിയോഗിക്കും, ജില്ലാതലത്തിൽ നടത്തുന്ന അഭിമുഖത്തിന്റെ അടിസ്ഥാനത്തിലാണ് അർഹതയുള്ളവരെ തിരഞ്ഞെടുക്കുന്നത്, അക്രഡിറ്റഡ് എൻജിനീയർ / ഓവർസിയർ എന്ന പേരിലായിരിക്കും ഇവർ അറിയപ്പെടുന്നത്, സ്ഥിര നിയമനത്തിന് ഇവർക്ക് അർഹത ഉണ്ടായിരിക്കില്ല, ഒരു വർഷത്തേക്കാണ് പരിശീലനം, എന്നാൽ ആ കാലയളവിലെ പ്രവർത്തനം തൃപ്തികരമാണെങ്കിൽ പരമാവധി ഒരു വർഷം കൂടി പരിശീലനം നീട്ടി നൽകും, അതിനുശേഷം നിർദിഷ്ട കാലയളവിലേക്കുള്ള പ്രവർത്തി പരിചയ സർട്ടിഫിക്കറ്റ് നൽകും, സർക്കാർതലത്തിലും മറ്റ് മേഖലകളിലും ജോലി സ്വന്തമാക്കാൻ ഈ സർട്ടിഫിക്കറ്റ് മുതൽക്കൂട്ടായിരിക്കും, പട്ടികജാതിക്കാർ ബന്ധപ്പെട്ട ജില്ല പട്ടികജാതി വികസന ഓഫീസിലാണ് അപേക്ഷ നൽകേണ്ടത്, നിർദിഷ്ട മാതൃകയിലുള്ള അപേക്ഷയ്ക്കൊപ്പം ജാതി വിദ്യാഭ്യാസ യോഗ്യത പ്രായം എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പും അയക്കണം, പട്ടികവർഗ്ഗക്കാർ ബന്ധപ്പെട്ട ജില്ല പട്ടികവർഗ്ഗ ഓഫീസുകളിലോ പ്രോജക്ട് ഓഫീസുകളിലോ ആണ് അപേക്ഷിക്കേണ്ടത്, ജൂലൈ 23 വൈകിട്ട് 5 മണിക്ക് അകം അപേക്ഷ ലഭിക്കണം, കൂടുതൽ വിവരങ്ങളും അപേക്ഷാഫോറത്തിന്റെ മാതൃകയും ബ്ലോക്ക് / മുനിസിപ്പാലിറ്റി / കോർപ്പറേഷൻ പട്ടികജാതി / പട്ടികവർഗ്ഗ വികസന ഓഫീസുകൾ, ജില്ലാ പട്ടികജാതി / പട്ടികവർഗ്ഗ വികസന ഓഫീസുകൾ എന്നിവിടങ്ങളിൽ നിന്ന് ലഭിക്കും,
അടുത്തഘട്ടം എം എസ് ഡബ്ലിയു, എൽ എൽ ബി
പ്രൊഫഷണൽ യോഗ്യതയുള്ളവർക്ക് തൊഴിൽ ലഭ്യമാക്കുക എന്ന ലക്ഷ്യത്തോടെയാണ് പദ്ധതി വിഭാവനം ചെയ്തിട്ടുള്ളത്, മറ്റ് സ്ഥാപനങ്ങൾക്ക് പരിശീലന ചുമതല നൽകി പണം ചെലവഴിക്കുകയാണ് വകുപ്പ് മുൻപ് ചെയ്തിരുന്നത്, ഇത് ഫലപ്രദമല്ല എന്ന് കണ്ടെത്തലിന്റെ അടിസ്ഥാനത്തിൽ വകുപ്പ് നേരിട്ട് പരിശീലനം ഏറ്റെടുക്കുകയാണ്, സ്വന്തം ഓഫീസുകളിലും മറ്റ് സ്ഥാപനങ്ങളിലും പരിശീലകരെ ലഭ്യമാക്കി തൊഴിൽ നൈപുണ്യം വികസിപ്പിച്ചെടുക്കും, ഓരോ വർഷവും പുതിയ ഉദ്യോഗാർത്ഥികളെ കണ്ടെത്തി പരിശീലനം മുന്നോട്ടു കൊണ്ടു പോകും പദ്ധതിയുടെ അടുത്തഘട്ടത്തിൽ എം എസ് ഡബ്ലിയു യോഗ്യതയുള്ളവർക്കും എൽ എൽ ബി ജേണലിസം യോഗ്യതയുള്ളവർക്കും പരിശീലനം നൽകും,
അപേക്ഷാഫോറത്തിന്റെ മാതൃക
അപേക്ഷകന്റെ പേര് :
മേൽവിലാസം :
ഫോൺ നമ്പർ :
ഈമെയിൽ :
ജാതി സർട്ടിഫിക്കറ്റ് :
ജനനതീയതി വയസ്സ് :
(എസ് എസ് എൽ സി സർട്ടിഫിക്കറ്റ് സ്വയം സാക്ഷ്യപ്പെടുത്തിയ പകർപ്പ് നൽകണം)
വിദ്യാഭ്യാസ യോഗ്യത :
(സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പ് നൽകണം)
യോഗ്യത കോഴ്സ് പഠിച്ച സ്ഥാപനം :
പാസായ വർഷം :
യോഗ്യത പരീക്ഷയിൽ ലഭിച്ച മാർക്ക് / ഗ്രേഡ് :
സ്ഥിരതാമസമുള്ള ഗ്രാമപഞ്ചായത്ത്/ നഗരസഭയുടെ പേര് :
സത്യപ്രസ്താവന
മേൽ പ്രസ്താവിച്ച വിവരങ്ങൾ എന്റെ അറിവിലും വിശ്വാസത്തിലും പൂർണമായും സത്യമാണ് എന്നും അപ്രകാരമല്ല എന്ന് തെളിയിക്കപ്പെടുന്ന പക്ഷം എന്റെ അപേക്ഷ / നിയമനം റദ്ദാവുന്നതാണ് എന്ന് ബോധ്യമുണ്ട് എന്നും ബോധിപ്പിച്ചു കൊള്ളുന്നു,
സ്ഥലം : ഒപ്പ്
തീയതി : പേര്
